باݘر يسألونك وتتحاكم وين كَضيت العمر يبن أدم
يا أبن أدم ألتفت وأسمع الصوت
لاتغرك ولد واموال وبيوت......
شﮒد تريد تعيش تاليها تموت...
وتدري ملك الموت مايتفاهم.....
باجر يسألونك وتتحاكم وين ﮒضيت العمر يبن أدم
العمر يمشي وهاي ساعاته تنوب
وآنت يوميه بأمل باجر تتوب....
شنو رأيك تحط لذنوبك ذبون.....
ورايد حمولك بعد تتراكم.........
باجر يسألونك وتتحاكم وين ﮒضيت العمر يبن أدم
الموت ما تعلم بيا ساعه يجيك
وحصتك تخلص بعد وشلون بيك
يصير ﮒبرك بيتك وينسد عليك..
واه يا ضلمته من تتلايل..........
باجر يسألونك وتتحاكم وين ﮒضيت العمر يبن أدم
الﮒبر بيت الدود وبوحشته يضيج
لاولد وياك لا خل لا صديج......
يبقى الك بس عمل هو الرفيج.....
وأيده بيدك للقيامه ملازمة..........
باجر يسألونك وتتحاكم وين ﮒضيت العمر يبن أدم
تنسأل عن اربعه بيوم الحساب؟
وانت يا أبن أدم شعندك من جواب!
بالحشر وﮒفتك يم رب الارباب....
صعبة وانت وياها ما تتوالم........
باجر يسألونك وتتحاكم وين ﮒضيت العمر يبن أدم
عن شبابك تنسأل أول سؤال...
بيمن ابليته يبن أدم تعال.........
جنت تمشي بطاعة الله وبالحلال؟
لو جنت تاخذ اعراض العالم.....
باجر يسألونك وتتحاكم وين ﮒضيت العمر يبن أدم
والسؤال عن مالك منين؟
بيا وسيله أمجمعه وديت وين
قاسمت بالمال رب العالمين
لو ݘنت وي أبليس تتقاسم؟؟؟
باݘر يسألونك وتتحاكم وين ﮒضيت العمر يبن أدم
لون مالك منجمع من الحرام
اقره يبن ادم على الرحمه السلام
الله مايرحم الكل ﮒلبة ضلام.....
الله يرحم الناس من تتراحم.......
باݘر يسألونك وتتحاكم وين ﮒضيت العمر يبن أدم
لو حلال المال يالمالك جثير
هم عليه تنسأل وﮒبالك يصير
لايتيم انطيت منه ولافقير.....
ولا بفعل الخير مالك ساهم...
باݘر يسألونك وتتحاكم وين ﮒضيت العمر يبن أدم
ياابن ادم ثالث الأسئله يكون؟؟
بيمن فنيت العمر وانﮒظه شلون.
على الضالم ݘنت للمضلوم عون
لو وي الضالم ݘنت تتسالم......
باݘر يسألونك وتتحاكم وين ﮒضيت العمر يبن أدم
السؤال الرابع يﮒطع النياط
وي أهل البيت عدك ارتباط
لو ﮒلت ماعندي تهوى من السراط
وراسك يضل بالصخر يترادم
باݘر يسألونك وتتحاكم وين ﮒضيت العمر يبن أدم
لو ݘنت صك لولايتهم تحوز
وعلى السراط وشدته مامن تجوز
ماتطب للنار بالجنه تفوز......
حيث يشفعلك نبينة الخاتم...
باݘر يسألونك وتتحاكم وين ﮒضيت العمر يبن أدم
واني اقدملك نصيحه واريد أﮒول
كونك تريد النجه بساعه الهول
على مصاب حسين واسيها البتول
ودمك خلك حاضر بهذا الماتم.....
باݘر يسألونك وتتحاكم وين ﮒضيت العمر يبن أدم
اللهم صلِ على محمد وآل محمد
ونسألكم الدعاء:
للشاعر.الشيخ وسام الشويلي
من الرفاعي.تم نقله من السيد محمد الصافي
بقلم الناقل كرار الموالي