ابوذيات

اوصي الراح والرد من رساله
شعجب شبساع ينسى من رساله
مشى وودا رساله من رساله
جهنم بالظرف وداها اليه

**

الي احباب اعلمودك ودعوني
طحت ما شفت واحد ودا عوني
انا بعرسك دعوني ودعوني
نفسهم جانوا يشمتون بيه

**

عسا كلبك يلم فرحه مايلم هم
خوتك طشرتهم صدك حجيك مايلمهم
لا تشكو للناس جرحا ما يلمهم
صديج الجرح اعلم بالاذيه

**

بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه

**

سهم الدهر بين احشاي ينشل
جرحني والجرح هيهات ينشل
اريد النعش بيكم كون ينشال
وتهيلون التراب انتم عليه

**

افكس عين من صدلك من شفاك
وصحت انه الدوه العلتك منه شفاك
يريت اشرب عسل صافي من اشفاك
لحد ماكول بس وهاي هيه

**

امانه اسراري يمكم ... ودعتها

وفرحتي بيوم شلتوا ... ودعتها

روحي الما تجيــكم ... ودعتها

وسحل يمكم اجيبنها باديه

**

تذم بية وتكول اترك ولك حل
والك واهس علي تقسي والك حيل
كتلك من دست جرحي ولك حيل
لكن بالهجر تجني علية..

**

شمع شخصك شهب شعشع شمايل
شمع شايل شبه شامت شمايل
شمل شترك شجافيكم شمايل
شعوفنكم شمايلكم شجيه



تحياتي للجميع ..