هذي أنا....أنا

هذي أنا
كلي عنا
كلي ألم
كلي جراح
كلي أماني متعبة
من طول عمر الانتظار
كلي مشاعر حاولت توصل للحظة ارتياح
كلي حقايق زايفة تتلون بلون المراح

لاقلت أبرضى بقسمتي
وأطلب من الفرحة سماح
يرجع يحاصرني الوهم
كني جنيد بوسط نص
دايم على خير الزمان
شمسي يغطيها وشاح
مليت ظلمة ليلتي
من حقي أحلم بالنهار

أصبحت أسير لدمعتي
وأطلقت عن همي السراح
يومي قضيته بالألم
وأمسي خسرته باقتدار
وين الأمل دام الوفاء عن عالمي هاجر وراح
دام الألم في دنيتي جاوز حدود الانتشار

وشلون أحلم بالأمان خوفي صرخ فيني وصاح
وشلون أبسأل دنيتي عن الخيانة باختصار
ليه السعادة كاذبة ؟؟
ليه المحال أصبح متاح ؟؟؟
ليه المشاعر مجبرة تذبل وأنا كلي انكسار؟؟

هذي حقيقة واقعي كله ألم كله جراح ,,,

حتى الأماني متعبه!!!!
"من طول عمــرالانتظار



تحياتي لكم ....هيام